Select Photo Gallery,Tamil,Telugu,Bollywood,Hollywood,Hot Videos,Kissing Photo And Videos,Select Gallery.blogspot.com
Is Qadar Door Jate Hain Wo,
Ki Bahut Yaad Aate Hain Wo,
Khauf Ki Ek Siyaah Raat Mein,
Jaise Deepak Bujhate Hain Wo,
Zindagi Ke Har Ek Mod Par,
Hausla Phir Badhate Hain Wo,
Zulf Hai Ya Hai Kaali Ghata,
Jaise Barkha Bulate Hain Wo,
Chant Gayi Chand Ki Roshni,
Rukh Se Parda Uthate Hain Wo,
“Raaz” Ki Baat Hai Doston,
Apna Mahram Batate Hain Wo.
Teray sheher teri soch say nikal jaon ga,
kisi udaas shaam mein dhal jaon ga,
Tu jo mukar gaya hai her baat say apni,
dekh lena aik din mein bhi badal jaon ga,
Mat dikha mujh ko apna pasheman chehra,
jab ke tu jaanta hai mein pighal jaon ga,
Chahay laakh tarpoon tere intizaar mein,
mat lout ke aanaa mein sambhal jaaon ga,
Tera hona itna zaroori to nahi hai Sahil,
Me to yaadon ke khilonay se behel jaon ga
Itni muddat baad milay ho!
Kin sochon mien gum phirtay ho?
Itnay khaif kion rahtay ho?
Her aahat say darr jatay ho
Taiz hawaa nay mujh say poocha
Rait per kia likhtay rahtay ho?
Kaash koi hum say bhi poochay
Raat gaye tak kion jagay ho?
Mien darya say bhi darta hon
Tum darya say bhi gahray ho
Kaun si baat hai tum mien aisi
Itnay achay kion lagtay ho?
Peechay murr kar kion dekha tha
Patthar ban kar kia taktay ho
Jao jeet ka jashan manao
Mien jhoota hon tum sachay ho
Apnay shahar kay saray logon say
Meri khatir kion uljhay ho
Kahnay ko rahtay ho dil mien
Phir bhi kitnay duur kharay ho
Raat humien kuch yaad nahi tha
Raat buhut hee yaad aye ho
Hum say na poocho hijar kay qissay
Apni kaho abb tum kaisay ho
Faraz tum badnaam buhut ho
Jaisay ho phir bhi achay ho